КОНСТИТУТСИЯ — ҲУҶҶАТИ САРНАВИШТСОЗ БАРОИ ДАВЛАТ ВА МИЛЛАТ

Конститутсияи Тоҷикистон санади тақдирсоз, роҳнамо ва шаҳодатномаи халқи Тоҷикистон аст. Бинобар ин, ҳар як шаҳрванди кишвар онро бояд азизу муқаддас шуморад ва ба он ҳамчун дастоварди бузурги мардуми Тоҷикистон дар замони соҳибистиқлолӣ арҷ гузорад.

                                   Эмомалӣ Раҳмон

Конститутсияи Ҷумҳурии Тоҷикистон, ки рӯзи 6 ноябри соли 1994 бо раъйпурсии умумихалқӣ қабул гардид, санади олии ҳуқуқӣ ва пояи рушди ҳуқуқии давлатдории миллии тоҷикон ба ҳисоб меравад. Ин ҳуҷҷат ба мардуми Тоҷикистон имкони бунёди давлати демократӣ, ҳуқуқбунёд, дунявӣ ва иҷтимоиро фароҳам овард.

Мақоми Конститутсия

Конститутсия дорои қувваи олии ҳуқуқӣ буда, ҳамаи қонунҳо ва санадҳои меъёрии ҳуқуқӣ ба он мутобиқат мекунанд. Ҳар як ҳуқуқи шаҳрванд, низоми идораи давлат, муносибатҳои иҷтимоӣ ва сиёсӣ, ҳамчунин ҳудуди ваколатҳои мақомоти давлатӣ аз ҳамин ҳуҷҷат сарчашма мегирад.

Арзишҳои демократӣ ва озодиҳои шахс

Дар Конститутсияи Тоҷикистон принсипҳои демократия, озодии сухан, озодии виҷдон, ҳуқуқи интихоб кардан ва интихоб шудан, ҳуқуқи моликият ва дигар арзишҳои умумибашарӣ кафолат дода шудаанд. Шаҳрвандони кишвар новобаста аз миллат, дин, нажод ва ҷинс дорои ҳуқуқҳои баробар мебошанд.

Ҷашни Рӯзи Конститутсия

Ҳамасола рӯзи 6 ноябр ҳамчун Рӯзи Конститутсияи Ҷумҳурии Тоҷикистон дар тамоми кишвар бо шукуҳу шаҳомати хоса таҷлил карда мешавад. Ин рӯз рамзи иттиҳоди миллии мардуми тоҷик ва эҳтироми волои онҳо ба қонун ва давлатдории миллӣ ба шумор меравад.

Хулоса: Конститутсия ҳуҷҷате мебошад, ки роҳнамои ҳаёти сиёсӣ ва иҷтимоии мардуми Тоҷикистон аст. Он ба истиқлолияти давлатӣ, амнияти ҳуқуқӣ ва сулҳу субот дар ҷомеа заминаи устувор гузоштааст.

Ҷашни пурифтихори Конститутсия муборак ҳамватанони азиз!

Дилбар МирзоеваРаиси созмони ҷавонони МДТ «Коллеҷи тиббии ш.Кӯлоб ба номи Раҳмонзода Р.А.»