МАЪРИФАТИ ҲУҚУҚӢ – ЗАМИНАИ УСТУВОРИ ВОЛОИЯТИ ҚОНУН 0 18 Мубодила кардан Зери ин унвон санаи 23 феврали соли ҷорӣ, дар МДТ «Коллеҷи тиббии ш.Кӯлоб ба номи Раҳмонзода Р.А.» конференсияи илмӣ-назариявӣ баргузор гардид. Дар конференсия сардори бахши муқовимат ба коррупсияи шуъбаи агентии назорати давлатии молиявӣ ва мубориза бо корупсияи Ҷумҳурии Тоҷикистон дар шаҳру минтақаи Кӯлоб, подполковники адлия Раҳмон Эмомалӣ Раҷабализод, роҳбарият ва омӯзгорону донишҷӯёни коллеҷ иштирок намуданд. Зимни суханрониашон Раҳмон Эмомалӣ Раҷабализод қайд намуданд, ки дар Паёми навбатӣ ба Маҷлиси Олии Ҷумҳурии Тоҷикистон Президенти кишвар, муҳтарам Эмомалӣ Раҳмон дар баробари натиҷагирии дигар масъалаҳои соҳаҳои мухталифи халқ ба масъалаи сиёсати ҳуқуқӣ аҳамияти хоса доданд. Аз ҷумла дар Паём қайд карда шуд, ки “Амалӣ намудани меъёрҳои Конститутсия ба мо имкон дод, ки пояҳои устувори ҷомеа ва давлатро созмон диҳем, сулҳу оромӣ, суботи сиёсӣ ва ваҳдати миллиро таҳким бахшем, рушди устувори иқтисодии кишварамонро таъмин намоем, барои ҳар як шаҳрванди мамлакат шароити зиндагии арзанда ва инкишофи озодонаро муҳайё созем”. Сатҳи баланди маърифати ҳуқуқии аҳолӣ боиси устувории сиёсии давлат гардида, мардум, бахусус ҷавононро аз даст задан ба қонунвайронкуниҳо, шомилшавии онҳо ба ҳар гуна гурӯҳҳои таблиғгари терроризму ифротгароӣ пешгирӣ менамояд. Аз ҳамин нуқтаи назар, Пешвои муаззами миллат зимни ироаи паёмашон ба Маҷлиси Олӣ пешниҳод намуданд, ки соли 2024 “Соли маърифати ҳуқуқӣ” эълон карда шавад. Воқеан, эълон гардидани соли 2024 “Соли маърифати ҳуқуқӣ” нишонаи ташакул ва рушди шахсияти донишманд, ҳуқуқдону китобхон ва маърифатпарвару тарбиятгар буда, ҷомеаро дар шоҳроҳи устувори таърих раҳнамун месозад. Дар кори коференсия ҳамчунин як қатор омӯзгорон баромад намуда, муҳимияти баланд бардоштани сатҳи маърифатнокии ҳуқуқии аҳолиро амали саривақтӣ ва зарурӣ арзёбӣ намуданд. Тазаккур дода шуд, ки ҳайати омӯзгорон масъалаи мазкурро пайваста дар машғулиятҳои тарбиявӣ баррасӣ намуда, вобаста ба он давоми сол роҳбарияти муассиса мунтазам вохӯриҳо ва ҷамъомадҳо ташкил намояд. Иброҳимов С.Т. мудири кафедраи «Фанҳои гуманитарӣ» Пеш 1 то 7 саҳифа Баъдӣ 0 18 Мубодила кардан