ВОХУРИИ МУДИРИ БАХШИ КОР БО ЗАНОН ВА ОИЛАИ МИҲД ШАҲРИ КӮЛОБ БО ДОНИШҶУЁНИ ХОБГОҲИ МУАССИСА

Саннаи 27-ноябри соли 2025 дар толори Муассисаи давлатии таълимии «Коллеҷи тиббии шаҳри Кӯлоб ба номи Раҳмонзода Раҳматулло Азиз» вахӯри бо Кормандони Мақомоти иҷроияи ҳокимияти давлатии шаҳри Кӯлоб гузаронида шуд. Мудири шуъбаи кор бо занон ва оилаи Мақомоти иҷроияи ҳокимияти давлатии шаҳри Кӯлоб Ҳайдарова Назира, мудири бахши бойгонӣ ва матбуотӣ Нусратова Шаҳноза, ҷонишини директор оид ба корҳои тарбиявӣ Малоҳати Қурбон, раиси занон ва оилаи муассиса Салимова Замира дар байни донишҷӯёне, ки дар хобгоҳи муассиса истиқомат мекунанд вохурӣ гузаронида шуд. Мудири шуъбаи кор бо занон ва оилаи Мақомоти иҷроияи ҳокимияти давлатии шаҳри Кӯлоб Ҳайдарова Назира баромад намуда қайд намуданд, ки либоси миллӣ яке аз нишонаҳои асосии фарҳангу тамаддун, таҷассумгари расму оин, нишони зебоипарастӣ ва ифтихори миллатҳои мухталифи дунё ба ҳисоб меравад. Либоси миллӣ ёдгоре аз гузаштагон буда, аз давраҳои қадим то ба имрӯз зебоӣ ва назокату нафисии худро гум накардааст.

Мудири бахши бойгонӣ ва матбуотӣ Нусратова Шаҳноза оид ба дастовардҳои даврони соҳибистиқлолӣ баромад намуд. Истиқлолият барои мо милати точик нишони барҷастаи пойдории давлат, бақои симои миллат, рамзи асолату ҳувият, мазҳари идеалу ормонҳои таърихӣ, шиносномаи байналмилалӣ ва шарафу эътибори ба ҷаҳони мутамаддин пайвастани ватани азизамон Тоҷикистон мебошад. Дар фарҷоми чорабинӣ вохӯрӣ директор оид ба корҳои тарбиявӣ Малоҳати Қурбон ҳозиринро хушомаед намуданд. Изҳор доштанд, ки чунин вохуриҳоро дар байни ҷавондухтарони муассиса зиёд намуда дар дили ҷавонон ҳисси ватандустиро ҷой намоянд.

Бояд хаминро гуфт, ки занону бонувони тоҷикро дар ҳама давру замон бо либоси зебову шинами тоҷиконаи атласу адрас ва чакан мешинохтанду мешиносанд.