ШУЪБАИ ТАЪЛИМ

0 177

      Шуъбаи таълим моҳи сентябри соли 2020 ташкил шуда, 4 нафар корманд дорад: Латипов С.Ш. – сардори шуъба, Зайдулоев С.С. – оморчӣ, Ҳисайнов Ф. – сармутахассис, Баҳодурова С. – мутахассиси пешбар.

    Ба уҳдаи сардори шуъбаи таълим вазифаҳои зерин гузошта шудаанд: барои бо сифат ва сари вақт татбиқ намудани Низомномаи шуъбаи таълим дар коллеҷ уҳдадор аст; вазифаҳоро дар шуъба тақсим намуда, иҷроиши онҳоро аз ҷониби кормандони шуъба назорат менамояд; назоратро баҳри иҷро намудани амру фармонҳо ва дастурҳои Ҳукумати Ҷумҳурии Тоҷикистон ва вазоратҳои дахлдор таъмин менамояд; омодагии кафедраҳоро ба соли нави таҳсил тафтиш менамояд; иҷроиши директиваҳо (раҳнамоҳо), фармонҳо, дастурҳо ва фармоишҳои ташкилотҳои салоҳиятнок, қарорҳои ҷаласаи назди директор, Шӯрои олимон, фармонҳо ва супоришҳои директор ва муовини директор оид ба корҳои таълимиро нисбат ба масъалаҳои ташкил ва таъмин намудани ҷараёни таълим назорат менамояд; якҷоя бо муовини директор оид ба корҳои таълимь дар таҳия ва такмили нақшаҳои таълимӣ ва сарбории омӯзгорӣ ширкат мекунад; ҳуҷҷатҳои меъёриву ҳуқуқиро барои шуъбаи таълим таълиф менамояд; ҳисоботи натиҷаҳои имтиҳонҳои ҷорӣ ва давлатиро таҳлил намуда, барои баланд бардоштани сатҳу сифати таълим ва бартараф намудани камбудиҳои ҷойдошта нақшаи чорабиниҳоро пешниҳод менамояд; дастрас намудан ва назорати омода сохтани дипломҳоро барои хатмкунандагон таъмин менамояд; нақшаю ҳисоботи кории шуъбаи таълимро тайёр менамояд; дар тафтиши фаъолияти кафедраҳо дар давраи ҳисоботӣ ширкат меварзад; корҳоеро, ки ба додани дубликати дипломҳо мансубанд, назорат мекунад; дар якҷоягӣ бо комиссия ҳисоботи кафедраҳоро дар бораи иҷро намудани сарбории таълимӣ, кори методӣ қабул менамояд; масъалаҳои марбут ба кори шуъбаи таълимро барои ҷаласаҳои назди директор ва Шӯрои олимон тайёр менамояд; дар тартиб додани ҷадвали машғулиятҳо, имтиҳонҳо, лоиҳаи фармонҳо, дастурамалҳо, тавсияҳо иштирок мекунад; ҷараёни гузариши имтиҳонҳои ҷорӣ ва давлатиро назорат менамояд; самаранок истифода бурдани ҳуҷраҳои таълимӣ, лабораторияҳо ва дигар иншоотҳои таълимро назорат намояд; барои ҷорӣ намудани таҷрибаи пешқадам дар корҳои таълимӣ, коркарди пешниҳодҳои дарозмуддат барои такмил додани ҷараёни таълим мусоидат менамояд; сари вақт пешниҳод намудани ахбори зарурӣ ва маълумотҳои омориро ба директор, муовини директор оид ба корҳои таълим, вазоратҳои тандурустӣ ва ҳифзи иҷтимоии аҳолии Ҷумҳурии Тоҷикистон  маориф ва илми Ҷумҳурии Тоҷикистон, дигар муассисаҳо таъмин менамояд; иштирок намудан дар аттестатсияи ҷории донишҷӯён ва хатмкунандагони коллеҷ; ба декани факултетҳо, мудирони кафедраҳо ва омӯзгорон оид ба корҳои таълимӣ супоришҳо медиҳад ва иҷроиши онҳоро талаб менамояд; иҷроиши таълимиро назорат менамояд; дар мувофиқа бо муовини директор оид ба корҳои таълимӣ барои ба нақшаи кории таълимӣ ва ҷадвали дарсӣ тағйирот ворид менамояд; аъзои Шӯрои олимони коллеҷ буда, дар ҷаласаҳои Шӯрои олимон, ҷаласаҳои факултетҳо, кафедраҳо ва комиссияҳои имтиҳонӣ иштирок менамояд; бо мақсади назорати риояи ҷараёни таълим аз ҷониби устодон ва донишҷӯён дар машғулиятҳо иштирок менамоянд.

   Оморчӣ: ҳисоботи донишҷӯёнро оид ба ҷинс, ҳайати миллӣ, авзои оилавӣ, ноҳияҳо таъмин менамояд; ҳисоботро аз рӯи формаи 2-НК ва барои идораи оморӣ, вазорати ВМ ва ИҶТ  медиҳад; ҳисоботи натиҷаҳои сессияи имтиҳониро тартиб медиҳад; ҳисоботро дар бораи гардиши миқдори донишҷӯён дар санаи 5-уми ҳар моҳ ба шуъбаи молия ва муовини директор оид ба корҳои таълимӣ пешниҳод менамояд; маълумотҳои омориро дар бораи тақсимот, қабул ва баромади донишҷӯён тартиб медиҳад; табели кормандони шуъбаи таълимро тартиб медиҳад; молҳои канселяриро барои шуъбаи таълим дархост менамояд; рӯйхатҳоро барои дипломҳо тайёр мекунад.

     Шуъбаи таълим ҷузъи асосии мустақили таркибии сохтори таълимии коллеҷ буда, идоракунандаю ҳамоҳангсози раванди таълим ва кори таълимию методӣ мебошад ва бевосита ба муовини директор оид ба таълим итоат мекунад. Роҳбарии фаъолияти шуъбаи таълим ба уҳдаи сардори шуъба аст. Сохтору ҳайати кормандони шуъба вобаста ба бастҳои вазифагӣ, раванди таълим таъсис дода шуда, аз ҷониби муовини директор оид ба таълим тасдиқ карда мешавад.

    Шуъбаи таълим дар асоси Қонунҳои Ҷумҳурии Тоҷикистон, санадҳои меъёрию ҳуқуқӣ ва фармонҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Вазорати маориф ва илми Ҷумҳурии Тоҷикистон, фармону супоришҳои директори коллеҷ, қарорҳои Шӯрои олимон ва низомнома фаъолият мекунад.

        Бо мақсади пурра ва сари вақт иҷро намудани вазифаҳои дар назди шуъбаи таълим гузошташуда, бо пешниҳоди сардори шуъба гурӯҳҳои корӣ бо ҷалби кормандони шуъба ва шуъбаҳою сохторҳои дигари Коллеҷ, коллективҳои эҷодии муваққатӣ таъсис ва бо қарори директор ё муовини директор оид ба таълим тасдиқ карда мешавад. Дар таркиби сохтори шуъбаи таълим хадамоти диспетчерии амалкунанда вуҷуд дорад, ки зери роҳбарии сардори шуъбаи таълим кор мебарад. Нақшаи тақсимоти вазифаҳои хидматии кормандони шуъба ва гурӯҳҳои кории тобеи шуъбаро бо пешниҳоди сардори шуъба муовини директор оид ба таълим тасдиқ менамояд.


САРДОР ШУЪБАИ ТАЪЛИМ
ЛАТИПОВ САФАРАЛӢ ШЕРАЛИЕВИЧ

   Соли таваллуд 26 ноябри соли 1983, ҷойи таваллуд н.Мир Сайид Алии Ҳамадонӣ, миллат  тоҷик, таҳсилот олӣ. Соли 2004 Коллеҷи тиббии ш.Кӯлобро бо тахассуси бародари тибби оилавӣ, соли 2011 Донишгоҳи давлатии Кӯлоб ба номи Абӯабдуллоҳи Рӯдакиро бо тахассуси муаллими биология ва соли 2017 Донишкадаи такмили ихтисоси кормандони тибби Тоҷикистонро бо тахассуси духтури санитарӣ хатм кардааст.


МУТАХАССИСИ ШУЪБАИ ТАЪЛИМ ОИД БА ҲИСОБОТҲОИ ОМОРӢ
ЗАЙДУЛОЕВ САИДҶАМОЛ САЙҶАЛОЛОВИЧ

      (тав.10.01.1994, н. Восеъ). Хатмкардаи факултети иқтисодии Донишгоҳи давлатии Кӯлоб ба номи Абуабдуллоҳи Рӯдакӣ (2016). Хатмкардаи бахши магистратураи факултаи молиявию иқтисодӣ Донишгоҳи давлатии Кӯлоб ба номи Абуабдуллоҳи Рӯдакӣ бо ихтисоси «Иқсод ва идора дар корхона»  (2018). Хатмкардаи бахши магистратураи Донишгоҳи давлатии Кӯлоб ба номи Абуабдуллоҳи Рӯдакӣ бо ихтисоси «Информатика»  (2020) Аз моҳи ноябри 2019 дар «Коллеҷи тиббии ш. Кӯлоб ба номи Раҳмонзода Раҳматулло Азиз» ба ҳайси мутахассиси шуъбаи таълим оид ба омор кор ва фаолият карда истодааст.

Дигар маълумотҳои ин категория

Шарҳ додан

Суроғаи почтаи электронии шумо нашр карда намешавад.