КОНФЕРЕНСИЯИ ИЛМӢ-АМАЛӢ ТАҲТИ УНВОНИ «ТАЪРИХИ МАТЕМАТИКОНИ ШАРҚ»

Санаи 27.02.2026 аз ҷониби кафедраи «Фанҳои дақиқ ва риёзӣ» конференсияи илмӣ-амалӣ таҳти унвони «Таърихи математикони Шарқ», бахшида ба татбиқи Барномаи давлатии «Бистсолаи омӯзиш ва рушди фанҳои табиатшиносӣ, дақиқ ва риёзӣ» баргузор гардид.

Дар кори конференсия сардори шуъбаи илмӣ-методии муассиса Абдураҳмонов Карим, сармутахассиси бахши идораи сифати таҳсилот Асоева Бунафша ва мудири кафедраи «Фанҳои дақиқ ва риёзӣ» Раҳмонзода Алӣ иштирок намуданд.

Мақсад аз баргузор намудани ин конференсия баланд бардоштани тафаккури илмӣ, тақвияти донишандӯзии донишҷӯён ба илмҳои дақиқ ва огоҳӣ пайдо намудан аз ҳаёт ва фаъолияти олимону пажуҳишгарони соҳаи илмҳои риёзӣ аз даврони қадим то замони муосир мебошад.

Зимни баромадҳо ба донишҷӯён доир ба пайдоиши ададҳо, муодилаҳо ва дигар аломатҳои математикӣ маълумоти таърихӣ пешниҳод гардид.

Дар анҷоми кори конференсия миёни донишҷӯён саволу ҷавоб баргузор гардида, онҳо ба саволҳои худ ҷавобҳои мушаххас гирифтанд.

Сухани хотимавӣ ба сардори шуъбаи илмӣ-методии муассиса Абдураҳмонов Карим дода шуд. Ӯ баргузор намудани чунин конференсияро қобили қайд арзёбӣ намуда, таъкид кард, ки чунин чорабиниҳо барои рушди тафаккури илмӣ ва омӯзиши амиқи илмҳои табиӣ-риёзӣ мусоидат менамоянд ва тақозои замони муосир мебошанд.

Раҳмонзода Алӣ

Мудири кафедраи «Фанҳои дақиқ ва риёзӣ»- и МДТ «Коллеҷи тиббии ш.Кӯлоб ба номи Раҳмонзода Р.А.»

Пеш 1 то 4 саҳифа Баъдӣ