КОРҲОИ ОБОДОНИВУ КАБУДИЗОРКУНӢ БА ИСТИҚБОЛИ СОЛИ НАВИ ХОНИШ ВА ҶАШНИ ИСТИҚЛОЛИ ДАВЛАТӢ

23 августи соли 2025 дар Муассисаи давлатии таълимии «Коллеҷи тиббии ш.Кӯлоб ба номи Раҳмонзода Р.А.» бо иштироки фаъолонаи ҳайати омӯзгорону кормандон шанбегии дастҷамъона баргузор гардид.

Дар ҷараёни ин иқдоми муҳими ободонӣ ва тозагӣ, утоқу синфхонаҳо, роҳравҳо, майдончаҳои варзишӣ ва гулгаштҳои муассиса пурра тоза ва зебо гардонида шуданд. Дар натиҷа, муҳити таълимӣ симои тоза ва тартиби нав касб намуда, фазои мусоид барои омӯзишу таҳсил фароҳам оварда шуд.

Бояд таъкид кард, ки баргузории чунин чорабиниҳо бо дастури Кумитаи таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон роҳандозӣ гардида, ҳадаф аз он беҳтар намудани муҳити таълимӣ, баланд бардоштани маърифати экологӣ миёни ҷавонон, ҳифзи табиати беназир ва таъмин намудани сарсабзиву хуррамии доимӣ мебошад.

Корҳои ободониву сабзкорӣ дар ҳудуди коллеҷ пайваста идома ёфта, барои омодагии ҳамаҷониба ба соли нави таҳсил заминаи мусоид мегузоранд.

РАЁСАТИ КОЛЛЕҶ

Пеш 1 то 18 саҳифа Баъдӣ