ПАРЧАМАТ ПАРАФШОН БОД, ТОҶИКИСТОН

Санаи 21 ноябри соли ҷорӣ, дар Муассисаи давлатии таълимии «Коллеҷи тиббии ш.Кӯлоб ба номи Раҳмонзода Раҳматулло Азиз» чорабинии фарҳангӣ таҳти унвони «Парчамат парафшон бод, Тоҷикистон» дар сатҳи баланд баргузор гардид.

Дар чорабинӣ директори коллеҷ н.и.т. Назарзода Ҷ.Ш., Раиси ҲХДТ дар ш.Кӯлоб Салим Сайвализода ва устодону шогирдон иштирок намуданд.

Чорабиниро директори коллеҷ н.и.т. Назарзода Ҷ.Ш оғоз намуда, иброз доштанд, ки: Парчами давлатӣ соҳибистиқлоли Тоҷикистон ҳамчун рамзи бахту саодат, сарсабзию хуррамӣ ва сарбаландии миллату давлати тоҷикон, мақсаду ҳадафҳои созандаи ин миллати тамаддунофарро дар баландтарин минбару қасрҳои минтақавию байналхалқӣ ҷилвагар менамояд, ки ин боиси ифтихори мо мебошад. Инчунин, дар рафти чорабинӣ Раиси ҲХДТ дар ш.Кӯлоб Салим Сайвализода ба сухан баромада, аз таърихм парчамдории тоҷикон ва муқаддас будани Парчами давлатӣ баромади пурмуҳтаво намуданд.

Ёддовар мешавем, ки Парчами давлатии Ҷумҳурии Тоҷикистон ҳанӯз 24-ноябри соли 1992 аз ҷониби Шӯрои Олии Ҷумҳурии Тоҷикитсон тасдиқ гардида буд. Минбаъд ин сана ҳамчун ҷашни умумимиллӣ аввалин маротиба рӯзи 24 ноябри соли 2009 бо ифтихор аз давлату давлатдорӣ ва соҳибистиқлолию соҳибихтиёрӣ таҷлил карда шуд.

Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон қайд намудаанд, ки «Парчами имрӯзаи давлатӣ яке аз рамзҳои муҳими истиқлолияти миллӣ ва давлатдории муосири мо, таҷассумгари асосҳои таърихӣ ва рамзҳои давлатдории тоҷикон, инчунин ифодакунандаи мақсаду маром ва орзуву ормонҳои тамоми мардуми Тоҷикистон мебошад».

Дар чорабинӣ ба як қатор омӯзгорону шогирдоне, ки дар мусобиқаҳои вилоятию ҷумҳуриявӣ ва озмунҳои ҷумҳуриявӣ сазовори ҷойҳои намоён гардида буданд, бо Ифтихорнома ва туҳфаҳо қадрдонӣ гардиданд.

Қисмати фарҳангии чорабинӣ бо иштироки сарояндаҳои шинохтаи шаҳри Кӯлоб Ромиши Алиҷон, Далери Қувват, гузаронида шуд. Омӯзгорон ва донишҷӯён бо як хотираболӣ ва хурсандӣ чорабиниро ҷашн гирифтанд. Ин чорабинии пуршукӯҳ дар сатҳи баланд бо як шукӯҳу шаҳомати хоса

баргузор гардид.

ШУЪБАИ ТАРБИЯ:

Пеш 1 то 40 саҳифа Баъдӣ