ТАЪРИХ ВА ИНКИШОФИ КОНСТИТУТСИЯИ ҶУМҲУРИИ ТОҶИКИСТОН

      «Ҳадафи сиёсиси мо барпо кардани давлати демократию ҳуқуқбунёд аст. Дар ии ҷода, Конститутсияи Ҷумҳурии Тоҷикистон ҳамчун санади воломақоми миллат ва шоҳсутуни устувори сулҳу ваҳдат, раҳнамои ҳамешагии мо хоҳад буд»

                                                                                 Эмомалӣ Раҳмон

  Таърих гувоҳ аст, ки кишвари азизамон то соҳибистиқлол гардидан  марҳилаҳои гуногуни сиёсиро паси сар намуд.

  Истиқлолияти давлатии Тоҷикистон оғози дигаргуниҳои тоза дар самти бунёди давлати мустақили тоҷикон гардид ва бо қабули Конститутсия барпо намудани давлати соҳибистиқлол ва ҷомеаи озоду пешрафтаи шаҳравандӣ ба миён омад.

    Конститутсия на танҳо қонуни асоси, балки санади махсуси ҳуқуқиест, ки бо эътибори олии хуқуқи ва махсусияти худ аз дигар санадҳои меъёриву ҳуқуқи фарқ мекунад, ки ин хусусиятҳо ҳамчун сарчашмаи ягонаи қонунгузории Тољикистон мебошад. Бидуни Конститутсияи нав, ки асоси қонунҳои навро ташкил медиҳад, эљоди қонунгузории нави давлати демократии ҳуқуқбунёд имконнопазир  буд.

  Бояд гуфт, ки таҳти роҳбарии хирадмандонаи сарвари давлатамон Пешвои миллат муҳтарам  Эмомали Рахмон ин ҳадафҳои волои Конститутсия амали шуда, барои аз байн бурдани хавфе, ки ба Истиқлолияти давлати, тамомияти арзиши кишвар ва ниҳоят ба ягонагии миллат таҳдид мекард, шароити зарурии ҳуқуқи муҳайё гардида,  роҳи сулҳу субот боз гардид.  Ин санади олии ҳуқуқӣ Истиқлолияти давлатии Тоҷикистонро таҳким бахшида, асосҳои сиёсиву ҳуқуқӣ ва самтҳои  пешрафти ҷомеаро ба меъёрҳои эътирофшудаи ҷаҳони муосир мутобиқ гардонд. Инчунин Конститутсия барои аз байн бурдани хатаре, ки ба истиқлолияти давлатӣ таҳдид мекард, шароити зарурии ҳуқуқӣ муҳайё карда, барои аз нобудӣ наҷот додани давлати тозаистиқлоли тоҷикон ва аз парокандагӣ раҳоӣ бахшидани миллати тоҷик ва тоҷикистониён асос гузошта, ҷиҳати расидан ба ваҳдати миллӣ таҳкурсии устувор гардид ва дар он марҳилаи ҳассоси таърихӣ барои гузоштани асосҳои аркони давлатдории тоҷикон нақши тақдирсозу ҳалкунанда бозид. Пас аз қабули Конститутсия зарурати гузарондани ислоҳоти конститутсионӣ, қабули қонунҳои конститутсионӣ ва санадҳои меъёрии ҳуқуқие, ки фаъолияти ниҳодҳои давлатӣ ва мақомоти ҳифзи ҳуқуқро ба танзим медароранд, ба миён омад.

  Конститутсия ҳуҷҷатест, ки дар он иродаи мардум, принсипҳо ва меъёрҳои асосии ташкили ҳаёти ҷамъиятӣ ва давлатӣ муқаррар мегардад.

     Конститутсияи  Ҷумҳурии Тоҷикистон чун санади  муҳиму тақдирсоз ба мо имконият дод, ки ба қатори давлатҳои мутараққии ҷаҳон ворид гардида, муаррифгари давлате бошем, ки сохтораш соҳибихтиёр, демократӣ, ҳуқуқбунёд, дунявӣ ва ягона аст.

  Конститутсия  дар баробари, нишон,парчам ва суруди миллӣ аз љумлаи мукаддасоти милливу давлатдори буда,  парчам ва парчамдорї яке аз суннатњои кадими давлатдорї ва рамзи ватандорию ватандўстӣ бошад, конститутсия шиносномаи давлату миллат њисобида  мешавад.

    Конститутсия тартиботи асосии ҳуқуқии ҳаёти ҷомеа буда, аз ҷиҳати мазмуни худ қонуни асосии мамлакат мебошад. Вай поягузори давлати соҳибистиқлол, ҳуқуқбунёд, демократӣ, дунявӣ, ягона ва иҷтимоии Тоҷикистон буда, системаи принсипҳои асосии бунёди давлат дар боби аввали Конститутсия асосҳои сохтории он муқаррар шудааст. Он тамоми соҳаҳои ҳаёти ҷамъиятӣ, сиёсиву ҳуқуқӣ, иқтисодиву иҷтимоӣ, фарҳангиву идеологӣ ва соҳаи байналхалқиро дар бар гирифта, заминаи ҳуқуқии бунёди  давлати тозабунёд ва соҳибистиқлоли тољикон, шакли ифодаи ҳуқуқии  ормонҳои давлатдории миллї, ҳимояи ҳадафҳо ва манфиатҳои миллї, осори таърихї ва фарҳанги миллї мебошад.

   Имрӯз баъди сипарӣ гардидани 30 сол аз қабули Конститутсияи Ҷумҳурии Тоҷикистон эътимодамон қавӣ мегардад, ки роҳи пешгирифтаи Сарвари тоҷикон, кафолатбахши амнияту осоиши кулли халқу миллатҳои сокини сарзамини тоҷикон, Асосгузори сулҳу ваҳдатӣ миллӣ, Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон шоҳроҳи эътимоду боварӣ, раҳнамунсози миллати соҳибтамаддуни тоҷик ҷониби қуллаҳои баланди Истиқлолияти давлатӣ, пешрафту созандагӣ, ваҳдату ҳамбастагӣ ва худшиносию ҳуввияти миллӣ мебошад.

    Конститутсия шоҳсутун, бахтномаи миллат ва тақдирсози имрӯзу фардои давлати Тоҷикистон ва миллати тоҷик маҳсуб меёбад. Ҳифз ва риоя кардани он барои ҳар як фард қарзи шаҳрвандӣ аст. Ин санади тақдирсоз ҳамчун шаҳодатномаи адолатхоҳи бунёдкорӣ, ваҳдатталаби Тоҷикистон аст.

Давлатова С.Т.,

Сардори шуъбаи илмӣ методӣ МДТ «Коллељи тиббии шањри  Кўлоб ба номи Рањмонзода Р. А.»